Garðskálinn


Garðskálinn er lítið og notalegt fjölskyldurekið bistro í eigu hjónanna Ægis og Írisar. Það er staðsett á neðri hæð Gerðarsafns í Kópavogi.

Við í Garðskálanum leitumst við að hafa hráefni ferskt og einfaldan mat sem gleður augað og magann. Við bökum kökurnar okkar og súrdeigsbrauðin sjálf og gerum allan mat frá grunni. Matseðillinn er síbreytilegur þar sem við elskum að breyta og bæta og prófa nýja hluti enda hefur hann Ægir okkar óþrjótandi ímyndunarafl þegar kemur að spennandi mat! 

Ægir Friðriksson eigandi og yfirkokkur hefur starfað víða á sínum ferli, m.a. aðstoðaryfirkokkur á Grillinu á hótel Sögu, þar sem hann lærði einnig. Hann hefur starfað í Barcelona, Skólabrú, verið yfirkokkur á hótel Reykjavik Natura og Satt og núna síðast verið yfirkokkur á Flórunni í Grasagarðinum. Íris Ágústsdóttir eigandi, yfirhönnuður og listrænn stjórnandi Garðskálans sér um  allar hliðar hönnunarinar og rekstrar hlið staðarins. 

Garðskálinn býður upp á hádegisverð og kaffiveitingar og er opið á sömu tímum og Gerðarsafn, þriðjudaga til sunnudaga kl. 11-17. Garðskálinn tekur einnig að sér veisluþjónustu og má frekari upplýsingar í pósti á matur@gardskalinn.com og í síma 441 7611. Matseðil Garðskálans má finna á síðu þeirra www.gardskalinn.com






Fylgstu með okkur


Opnunartími

Þriðjudaga - föstudaga 11.00 - 17.00
Laugardaga - sunnudaga 11.00 - 17.00

Lokað á mánudögum

Aðgangseyrir er 1000 kr.

Námsmenn 500 kr. Frítt fyrir börn og ungmenni yngri en 18 ára,
aldraða, öryrkja og félaga í SÍM, ICOM, FÍMK, FÍSOS gegn framvísun skírteinis.

Frítt á miðvikudögum