Gurdjieff dansar og listamannaspjall á síðustu sýningarhelgi

22.8.2017

Viðburðadagskrá verður haldin á síðustu sýningarhelgi Innra, með og á milli, 26.-27. ágúst, með "heilögum dönsum" í anda dulspekingsins George Gurdjieff og listamannaspjalli með Ragnheiði Gestsdóttur og Theresu Himmer..

Saga Sigurðardóttir, danshöfundir og dansari, mun leiða þátttökuviðburð í hreyfingum í anda Gurdjieff laugardaginn 26. ágúst kl. 15. Viðburðurinn er innblásinn af verki Theresu Himmer Arkitektónískar æfingar unnið í samstarfi við Sögu Sigurðardóttur þar sem hreyfingar Gurdjieff eru túlkaðir í samtali við arkitektúr Gerðarsafns. Verkið byggir á áhuga Gerður Helgadóttir (1928-1975) á dulspeki en hún sótti fyrirlestra um dulspekikenningar George Gurdjieff hjá dansaranum og kennaranum Madame de Salzmann en saman þróuðu þau "heilaga dansa" sem byggðust á hreyfingu eftir geómetrískri hrynjandi þar sem líkaminn verður að tengingu milli innri og ytri heims.

Eftir viðburðinn verður haldin gleðistund í Garðskálanum.


Listamannaspjall á síðasta sýningardegi
sunnudaginn 27. ágúst kl. 15 


Á sunnudeginum 27. ágúst kl. 15 munu listamennirnir Ragnheiður Gestsdóttir og Theresa Himmer leiða gesti um sýninguna og ræða verk sín. 


Ragnheiður Gestsdóttir (f. 1975) er myndlistarmaður með bakgrunn í sjónrænni mannfræði. Í verkum sínum sem hún vinnur ýmist í vídeó, skúlptúr eða innsetningu varpar hún fram spurningum um vald, kerfi og tungumál. Hún spyr hver hafi aðgang að því að flokka og skrásetja veruleikann, út frá hvaða sjónarhorni það sé gert og hvaða tungumáli sé beitt. 

Theresa Himmer (f. 1976) er danskur myndlistarmaður og arkitekt sem býr og starfar á Íslandi. Theresa kannar upplifanir og hugmyndir um staði, staðbundnar ímyndir og minningar í verkum sínum, hvort sem um er að ræða ljósmyndir, vídeó eða innsetningar í almenningsrýmum. Listrannsóknir hennar leitast við að varpa ljósi á eiginleg og óeiginleg rými og virkni þeirra með vísun í arkitektúr, poppmenningu og sálgreiningu.

Viðburðirnir er öllum opnir og aðgangseyrir á safnið gildir.






Fylgstu með okkur


Opnunartími

Þriðjudaga - föstudaga 11.00 - 17.00
Laugardaga - sunnudaga 11.00 - 17.00

Lokað á mánudögum

Aðgangseyrir er 1000 kr.

Námsmenn 500 kr. Frítt fyrir börn og ungmenni yngri en 18 ára,
aldraða, öryrkja og félaga í SÍM, ICOM, FÍMK, FÍSOS gegn framvísun skírteinis.

Frítt á miðvikudögum