Útskriftarsýning MA nema við LHÍ framlengd

6.5.2016

Útskriftarsýning meistaranema í hönnun og myndlist við Listaháskóla Íslands verður framlengd til laugardagsins 14. maí en sýningin hefur hlotið mjög góðar viðtökur. Á sýningunni gefst færi á að sjá afrakstur tveggja ára háskólanáms þar sem hönnuðir og myndlistarmenn hafa þróað og styrkt rannsóknir sínar á viðkomandi fagsviðum. Áhersla er lögð á skapandi og greinandi hugsun sem nýtist við framsækin verkefni á sviðum hönnunar og myndlistar á Íslandi. Útskriftarnemendur sitja yfir sýningunni á opnunartímum Gerðarsafns og spjalla við gesti um verkin, sýninguna og námið.

Alþjóðlegt meistaranám í myndlist og hönnun hófst í Listaháskóla Íslands haustið 2012 og er þetta því þriðji árgangur útskriftanema námsbrautanna sem setur fram lokaverkefni sín til opinberrar sýningar og MA varnar. Í MA námi í myndlist er nemendum skapaður vettvangur til að dýpka og auka þekkingu sína á sviði samtímamyndlistar, styrkja persónulega sýn og tengja listsköpun sína við fræðilegar forsendur fagsins. Í MA námi í hönnun er sjónum beint að aðkallandi viðfangsefnum í samtímanum en í auknu mæli er yfirlýst markmið MA hönnunarbrautarinnar að leiða hugsunina, breyta hugarfari og hafa jákvæð áhrif á það hvernig fólk lifir.

Sýnendur
ANANDA SERNÉ
ANNA GUIDICE
ANNE ROMBACH
CLAIRE PAUGAM
EUSUN PAK
INGA MARÍA BRYNJARSDÓTTIR
MA PENGBIN
MARÍA DALBERG
SHU YI
SINÉAD MCCARRON
VERONIKA GEIGER
ÞÓRDÍS JÓHANNESDÓTTIR
ÞRÖSTUR VALGARÐSSON
 
Sýningarstjóri
DANÍEL BJÖRNSSON 

Frítt er í safnið á meðan á sýningu stendur. Allir velkomnir.





Fylgstu með okkur


Opnunartími

Þriðjudaga - föstudaga 11.00 - 17.00
Laugardaga - sunnudaga 11.00 - 17.00

Lokað á mánudögum

Aðgangseyrir er 1000 kr.

Námsmenn 500 kr. Frítt fyrir börn og ungmenni yngri en 18 ára,
aldraða, öryrkja og félaga í SÍM, ICOM, FÍMK, FÍSOS gegn framvísun skírteinis.

Frítt á miðvikudögum