Forvarsla listaverka með Ingibjörgu Áskelsdóttur

Stefnumót #5

29.3.2016

Ingibjörg Áskelsdóttir, forvörður og safnfræðingur, fjallar um forvörslu og varðveislu listaverka á þessu fimmta stefnumóti við safneignina, miðvikudaginn 30. mars kl. 17. Ingibjörg mun leiða gesti um listaverkageymslu Gerðarsafns og ræða frágang, varðveislu og forvörslu á mismunandi gerðum verka og muna.

Ingibjörg Áskelsdóttir er verkefnastjóri rannsókna og forvörslu á Borgarsögusafni Reykjavíkur og sérhæfir sig í fyrirbyggjandi forvörslu auk forvörslu pappírs og bóka. Ingibjörg starfaði áður í Gerðarsafni og vann þar að umönnun og frágangi verka í listaverkageymslu safnsins. Aðbúnaður listaverka og skipulag geymslunnar eru til fyrirmyndir og er því heimsókn í listaverkageymsluna kjörið tækifæri fyrir áhugamenn um starf safna.

Að loknum leiðangri um safneignina verður sælkerastund í Garðskálanum þar sem súpur, smurbrauð, drykkir og kaffiveitingar eru á matseðli. Á efri hæð safnsins stendur yfir sýningin Blint stefnumót, þar sem má sjá óvænt kynni verka úr safneign sem hafa þroskast saman í listaverkageymslunni. Klippimyndasmiðjan Stúdíó Gerðar verður opin lengur fyrir áhugasama listamenn af yngstu kynslóðinni.

Frítt er í safnið á miðvikudögum. Viðburðir fara fram á íslensku.





Fylgstu með okkur


Opnunartími

Þriðjudaga - föstudaga 11.00 - 17.00
Laugardaga - sunnudaga 11.00 - 17.00

Lokað á mánudögum

Aðgangseyrir er 1000 kr.

Námsmenn 500 kr. Frítt fyrir börn og ungmenni yngri en 18 ára,
aldraða, öryrkja og félaga í SÍM, ICOM, FÍMK, FÍSOS gegn framvísun skírteinis.

Frítt á miðvikudögum