Garðskálinn í Gerðarsafni

30.3.2016

Garðskálinn opnaði nýverið á neðri hæð Gerðarsafns og er þar boðið upp á súpur, smurbrauð, nýbakað súrdeigsbrauð kökur og kaffi. Á fimmtudögum og föstudögum kl. 15-17 er sælkerastund í Garðskálanum og eru þá drykkir á tilboðsverði. 

Garðskálinn leitast við að hafa ferskt hráefni og einfaldan mat sem gleður bæði augað og magann. Kökurnar og súrdeigsbrauðin eru bökuð á staðnum og allur matur gerður frá grunni. 

Garðskálinn er rekinn af hjónunum Ægi Friðrikssyni og Írisi Ágústsdóttur. Íris er innanhúshönnuður sem hefur sett svip sinn á staðinn með endurbótum. Ægir er margverðlaunaður matreiðslumeistari sem hefur meðal annars verið yfirkokkur á Kaffi Flóru og Hótel Reykjavík Natura og Satt. 

Matseðilinn má finna á heimasíðu Garðskálans.

Opnunartími er þriðjudaga til sunnudaga kl. 11-17. Athugið að opið er í Garðskálanum þrátt fyrir að safnið sé lokað vegna sýningarskipta.