Íslenska teiknibókin - Listasmiðjur fyrir börn og unglinga

18.11.2013

Íslenska teiknibókin er handrit sem inniheldur safn fyrirmynda sem gerðar voru af fjórum óþekktum listamönnum á tímabilinu 1350-1500. Teiknibókin er einstæð meðal handrita í safni Árna Magnússonar og ein af fáum fyrirmyndabókum sem hafa varðveist í Evrópu. Myndirnar í teiknibókinni eru fyrirmyndir sem listamenn á miðöldum nýttu sér, t.d. þegar þeir lýstu handrit eða máluðu altarismyndir, og bjóða þær því upp á allskyns áhugaverðan efnivið til að vinna með.

Listasmiðjurnar sem haldnar verða í tengslum við sýninguna eru eftirfarandi:

Laugardagurinn 23. nóvember kl. 10:00-13:00 

SORTULYNG, FJAÐURSTAFUR OG PERGAMENT (fyrir 8-12 ára). Þátttakendur fá að kynnast verkfærum og aðferðum sem teiknarar Íslensku teiknibókarinnar notuðu. Kennarar: Sólveig Aðalsteinsdóttir og Þorbjörg Þorvaldsdóttir.

Laugardagurinn 30. nóvember kl. 13:00-16:00

SKRÍMSLI ÞÁ OG NÚ – FURÐUVERUR Í FORTÍÐ OG NÚTÍÐ (fyrir 13-16 ára). Skrímsli og furðuverur gömlu handritanna skoðaðar og settar í samhengi við samtímann. Kennari: Baldur Björnsson.

Laugardagurinn 11. janúar kl. 10:00-13:00

FYRIRMYNDASÖGUR (fyrir 8-12 ára). Þátttakendur gera myndasögu þar sem þeri notast við persónur, dýr og hluti sem koma fyrir í Íslensku teiknibókinni. Kennarar: Bjarni Hinriksson og Inga María Brynjarsdóttir.

Laugardagurinn 18. janúar kl. 13:00-16:00

UFSAGRÝLUR, DREKAR OG AÐRAR ÓVÆTTIR (fyrir 8-12 ára). Þátttakendur þróa sitt eigið skrímsli út frá gömul skrímslum Íslensku teiknibókarinnar.

Kennarar: Guðrún Vera Hjartardóttir og Kari Ósk Grétudóttir. 

Þátttaka í smiðjunum er ókeypis en fjöldi þátttakenda er takmarkaður og þarf að skrá sig í þær í s. 570-0440, eða á Gerðarsafni. Hámarksfjöldi er 18 þátttakendur í hverri smiðju.

Einnig verða aðgengileg á safninu og á http://www.kveikjan.is/ teikniverkefni þar sem unnið er út frá Íslensku teiknibókinni og Physiologusi (sem einnig er á sýningunni). Verkefnin eru bæði hugsuð fyrir gesti og gangandi sem geta þá sest niður í smiðju í kjallara safnsins og teiknað, sem og myndmenntakennara sem koma með nemendur.

Sýningin Íslenska teiknibókin – 350 ára afmæli Árna Magnússonar stendur til 2. febrúar 2014.

 






Fylgstu með okkur


Opnunartími

Þriðjudaga - föstudaga 11.00 - 17.00
Laugardaga - sunnudaga 11.00 - 17.00

Lokað á mánudögum

Aðgangseyrir er 1000 kr.

Námsmenn 500 kr. Frítt fyrir börn og ungmenni yngri en 18 ára,
aldraða, öryrkja og félaga í SÍM, ICOM, FÍMK, FÍSOS gegn framvísun skírteinis.

Frítt á miðvikudögum