Næstu sýningar

SARA BJÖRNSDÓTTIR: FLÂNEUR

Listahátíð í Reykjavík 2016

Sýning Söru Björnsdóttur Flâneur er einskonar sjálfsævisögulegt ferðalag og fjallar um leyndardómsfullt ástand listakonunnar á dvöl hennar í stórborginni Lundúnum þar sem hún sækir sér langþráðan vinnufrið. Hún tekur upp ljóðrænt háttarlag flandrarans (flâneur) sem ferðast án stefnu eða tilgangs um borgina í leit að öllu og engu. 

Textaverk og klippimyndir mynda sögur, augnablik, hugarvíl og uppreisn. Þeim tvinnir Sara saman við talaða frásögn sem lýsir vandræðum, ævintýrum og sérviskulegu ástandi hennar á þessu tímabili. 

Sara Björnsdóttir er fædd 1962 í Reykjavík. Hún stundaði nám í London við Chelsea College of Art & Design á árnum 1996-1997 og Myndlista og handíðaskóla Íslands frá 1991-1995. Sara hefur unnið ötullega að listinni alla tíð og á að baki fjölda bæði samsýninga og einkasýninga. Verk hennar standa á mótum hins pólitíska og persónulega þar sem hún gengur umbúðalaust að viðfangsefni sínu hverju sinni. Persónulegt innsæi Söru getur snert fínlegar taugar hjartans en verkin geta jafnfram snert okkar viðkvæmustu taugar vegna þess sannleika sem hún afhjúpar.

Sýningin er hluti Listahátíðar í Reykjavík 2016. Nánari upplýsingar á www.listahatid.is


Fylgstu með okkur


Opnunartími

Þriðjudaga - föstudaga 11.00 - 17.00
Laugardaga - sunnudaga 11.00 - 17.00

Lokað á mánudögum

Aðgangseyrir er 1000 kr.

Námsmenn 500 kr. Frítt fyrir börn og ungmenni yngri en 18 ára,
aldraða, öryrkja og félaga í SÍM, ICOM, FÍMK, FÍSOS gegn framvísun skírteinis.

Frítt á miðvikudögum