Næstu sýningar

Útskriftarsýning MA nema í hönnun og myndlist

Listaháskóli Íslands

Laugardaginn 16. apríl kl. 14:00 verður opnuð útskriftarsýning meistaranema í hönnun og myndlist frá Listaháskóla Íslands í Gerðarsafni, Kópavogi.

 Alþjóðlegt meistaranám í myndlist og hönnun hófst í Listaháskóla Íslands haustið 2012 og er þetta því þriðji árgangur útskriftanema námsbrautanna sem setur fram lokaverkefni sín til opinberrar sýningar og MA varna. Á sýningunni má sjá afrakstur tveggja ára háskólanáms á meistarastigi þar sem hönnuðir og myndlistarmenn hafa fengið tækifæri til að þróa og styrkja rannsóknir sínar á viðkomandi fagsviðum. Áhersla er lögð á skapandi og greinandi hugsun sem nýtist við framsækin verkefni á sviðum hönnunar og myndlistar á Íslandi.

 Í MA námi í myndlist er nemendum skapaður vettvangur til að dýpka og auka þekkingu sína á sviði samtímamyndlistar, styrkja persónulega sýn og tengja listsköpun sína við fræðilegar forsendur fagsins. Í MA námi í hönnun er sjónum beint að aðkallandi viðfangsefnum í samtímanum en í auknu mæli er yfirlýst markmið MA hönnunarbrautarinnar að leiða hugsunina, breyta hugarfari og hafa jákvæð áhrif á það hvernig fólk lifir.

Leiðsagnir
Sunnudagur 24. apríl kl. 15:00
Leiðsögn með nemendum í hönnun um sýninguna

Sunnudagur 8. maí kl. 15:00 
Leiðsögn með nemendum í myndlist um sýninguna

Sýnendur
ANANDA SERNÉ
ANNA GUIDICE
ANNE ROMBACH
CLAIRE PAUGAM
EUSUN PAK
INGA MARÍA BRYNJARSDÓTTIR
MA PENGBIN
MARÍA DALBERG
SHU YI
SINÉAD MCCARRON
VERONIKA GEIGER
ÞÓRDÍS JÓHANNESDÓTTIR
ÞRÖSTUR VALGARÐSSON
 
Sýningarstjóri
DANÍEL BJÖRNSSON  

Útskriftarsýning meistaranema í myndlist og hönnun er fyrsti viðburður Útskriftarhátíðar Listaháskóla Íslands 2016. 


Fylgstu með okkur


Opnunartími

Þriðjudaga - föstudaga 11.00 - 17.00
Laugardaga - sunnudaga 11.00 - 17.00

Lokað á mánudögum

Aðgangseyrir er 1000 kr.

Námsmenn 500 kr. Frítt fyrir börn og ungmenni yngri en 18 ára,
aldraða, öryrkja og félaga í SÍM, ICOM, FÍMK, FÍSOS gegn framvísun skírteinis.

Frítt á miðvikudögum