Næstu sýningar

Birting

15. maí - 2. ágúst

Birting er samsýning á verkum eftir íslenska samtímalistamenn sem unnin eru út frá steindum gluggum Gerðar Helgadóttur (1928-1975) í Skálholtskirkju, Kópavogskirkju og víðar. Sýningunni er ætlað að vekja okkur til umhugsunar um staði á borð við söfn og kirkjur og þær athafnir sem þessum stöðum fylgja. Hvort sem um er að ræða formlegar, lágstemmdar eða hátíðlegar framsetningar hafa þær skýr áhrif á skynjun og upplifun áhorfendans. Taktföst form og litasamsetningin einkenna gluggainnsetningu Gerðar í Kópavogskirkju og mynda einskonar helgirými flæðandi forms óháð beinum trúarlegum vísunum, en er fremur ætlað að snerta áhorfandann með altækum og tilfinningalegum hætti. „Kirkjuleg“ eða „trúarleg“ þemu munu á sama hátt víkja fyrir víðtækari áherslum þar sem dregnir eru fram sammannlegir, andlegir, fyrirbærafræðilegir eða dulspekilegir þættir í verkum listamanna samtímans. 

Listamenn auk Gerðar Helgadóttur (1928-1974) eru Guðrún Kristjánsdóttir (f. 1950), Erla Þórarinsdóttir (f. 1955), Guðrún Benónýsdóttir (f. 1969), Hekla Dögg Jónsdóttir (f. 1969), Dodda Maggý (f. 1981), Lilja Birgisdóttir (b. 1983), Katrín Agnes Klar (f. 1985) og Ingibjörg Sigurjónsdóttir (f. 1985). 

Sýningarstjóri er Kristín Dagmar Jóhannesdóttir.


Í safnaðarheimili Kópavogskirkju verða til sýnis verk eftir Gerði Helgadóttur í tilefni sýningarinnar. Meðal verka eru steindir gluggar sem tekist var að bjarga úr kirkju sem rifin var niður í Düsseldorf í Þýskalandi ásamt tillögum Gerðar að altaristöflu í Kópavogskirkju. Umsjón:  Telma Haraldsdóttir. 

Skrifstofa safnaðarins er opin virka daga á milli kl. 9-13, eða samkvæmt samtkomulagi. Símanúmer kirkjunnar og safnaðarheimilis er: 554 1898.  Netfang: kopavogskirkja@kirkjan.is. 

VIÐBURÐIR: 

Föstudagur 15. maí 

kl. 20:00 Gjörningur eftir Lilju Birgisdóttur á opnun sýningarinnar Birting í Gerðarsafni.

kl. 21: 00 Doríon : vídeó- & tónlistargjörningur eftir Doddu Maggý ásamt Kvennakórnum Kötlu. Verkið tekur                         um 40 mín. í flutningi. Sjá nánar hér. Ath. Doríon fer fram í Kópavogskirkju.

Laugardagur 16. maí 

kl. 16:00 Endurflutningur í Kópavogskirkju. Doríon : vídeó- & tónlistargjörningur eftir Doddu Maggý                         ásamt Kvennakórnum Kötlu. Verkið tekur um 40 mín. í flutningi. Sjá nánar hér.

Sunnudagur 17. maí 

kl.15:00 Íslenski safnadagurinn - listamannaspjall í Gerðarsafni.

Miðvikudagur 20. maí 

kl. 12:15 Leiðsögn í Gerðarsafni í fylgd sýningarstjóra.

Laugardagur 30. maí 

kl. 14:00 Birting - fjölskyldusmiðja með Guðrúnu Benónýsdóttur. Fer fram í Gerðarsafni.


Sýningin er liður í Listahátíð í Reykjavík, www.listahatid.is

100 ára kosningaréttur kvenna á Íslandi styður verkefnið.  



Fylgstu með okkur


Opnunartími

Þriðjudaga - föstudaga 11.00 - 17.00
Laugardaga - sunnudaga 11.00 - 17.00

Lokað á mánudögum

Aðgangseyrir er 1000 kr.

Námsmenn 500 kr. Frítt fyrir börn og ungmenni yngri en 18 ára,
aldraða, öryrkja og félaga í SÍM, ICOM, FÍMK, FÍSOS gegn framvísun skírteinis.

Frítt á miðvikudögum