Næstu sýningar

Stúdíó Gerðar

Fræðslu- og upplifunarsýning

Stúdíó Gerðar Helgadóttur er fræðslu- og upplifunarsýning þar sem sýningargestum býðst að líta á bak við tjöldin og forvitnast um listsköpun Gerðar út frá vinnustofunni. Sett hefur verið upp tilraunavinnustofa sem tekur mið af vinnustofu Gerðar Helgadóttur. Fjölbreytt og skapandi verkefni gefa gestum, ungum sem öldnum, tækifæri til að taka virkan þátt í uppbyggingu sýningarinnar. Með sýningunni leitast Gerðarsafn sérstaklega við að bjóða upp á skemmtilega möguleika í safnfræðslu fyrir börn á forskólaaldri og grunnskólanemendur, skólunum að kostnaðarlausu. Fjölskyldufólk er sérstaklega hvatt til að koma í heimsókn á eigin vegum og njóta skapandi samverustunda. 

Guðrún Benónýsdóttir er hugmyndasmiður sýningarinnar í samstarfi við Gerðarsafn en hún mun leiða opnar vinnusmiðjur fyrir ólíka aldurshópa á eftirfarandi dögum:

Laugardagur 10. janúar kl. 15 (opnun)

Laugardagur 24. janúar kl. 15

Föstudagur 6. febrúar kl. 20 (Safnanótt)

Laugardagur 21. febrúar kl. 15 (síðasti sýningardagur)

Nánar auglýst síðar.

SKÓLAHÓPAR

Gerðarsafn fagnar hópum á öllum aldri sem vilja koma heimsókn í Stúdíó Gerðar Helgadóttur með eða án leiðsagnar safnkennara. Tekið er á móti nemendum virka daga eftir samkomulagi. Vinsamlegast bókið leiðsögn á netfanginu gerdarsafn@kopavogur.is. Mælt er með að hópar, sem koma á eigin vegum á opnunartíma safnsins, láti vita af komu sinni fyrirfram. 

Sýningin verður opnuð 10. janúar 2015.

 



Fylgstu með okkur


Opnunartími

Þriðjudaga - föstudaga 11.00 - 17.00
Laugardaga - sunnudaga 11.00 - 17.00

Lokað á mánudögum

Aðgangseyrir er 1000 kr.

Námsmenn 500 kr. Frítt fyrir börn og ungmenni yngri en 18 ára,
aldraða, öryrkja og félaga í SÍM, ICOM, FÍMK, FÍSOS gegn framvísun skírteinis.

Frítt á miðvikudögum