Ingvar Högni Ragnarsson: Uppsprettur

15/1 - 27/2 2016

  • 15. janúar 2016 - 27. febrúar 2016
Ingvar Högni Ragnarsson sýnir ljósmyndaseríu sem hann tók á þriggja vikna vinnustofudvöl við ARCUB í Rúmeníu. Ingvar Högni varpar ljósi á persónulegt sjónarhorn á umhverfið og einstaklinginn um leið afhjúpar hann flókið samspil samfélagsins og stéttaskiptingu.

Ingvar Högni Ragnarsson sýnir ljósmyndaseríu sem hann tók á þriggja vikna vinnustofudvöl við ARCUB í Rúmeníu. Búkarest er höfuðborg sem á sér að baki flókna en fjölbreytta sögu. Félagslegt húsnæði er enn ríkjandi fyrirkomulag í húsnæðismálum allt frá tíma kommúnismans (1945-1989) og yfir 60% íbúa býr við kröpp kjör og á sér takmarkaða framtíðarmöguleika. Ingvar Högni velur sér að huga að hinu rólega andrými hversdagsleikans í verkum sínum þar sem hann dregur fram persónulegt sjónarhorn á umhverfið og einstaklinginn. Um leið afhjúpar hann flókið samspil samfélagsins og stéttaskiptingar, persónulegar sögur um brostna fortíð eða framtíðarvonir.

Ingvar Högni Ragnarsson (f. 1981) útskrifaðist frá Listaháskólanum árið 2007 eftir að hafa áður stundað nám við Den Koninklijke Academie von Beeldende Kunsten, Den Haag. Árið 2015 var hann tilnefndur til  alþjóðlegu ljósmyndaverðlaunanna Foam Paul Huf Awards sem ætlað er ungum listamönnum. Hann hefur verið valinn sem fulltrúi íslenskra ljósmyndara í fjölda verkefna á síðustu árum, m.a. The ARCUB sem bauð fimm ljósmyndurum frá Skandinavíu til að taka þátt í verkefninu. Má einnig nefna Nordic Now: Contemporary Scandinavian Photography, 2014; Inner and Outer Landscapes, Centrum för photografi - Stokkhólmur, Northern Photographic Center, Oulu, Finnland, Fotografisk Center, Kaupmannahöfn 2014 -2015, Frontiers of Another Nature, Gallery Hippolyte, Helsinki, Finland, Frankfurt Kunstverein, Frankfurt, 2011-2013, U-landed, Färgfabriken Norr, Svíþjóð, og Raunveruleikatékk, Listahátíð í Reykjavik, 2010. Meðal sýninga á Íslandi má nefna samsýninguna Enginn staður – íslenskt landslag, Hafnarborg, Hafnarfjörður, 2015 og einkasýninguna Veggir, Ljósmyndasafn Reykjavíkur, 2012. 

Sýningarstjóri er Kristín Dagmar Jóhannesdóttir.

Senda grein


Fylgstu með okkur


Opnunartími

Þriðjudaga - föstudaga 11.00 - 17.00
Laugardaga - sunnudaga 11.00 - 17.00

Lokað á mánudögum

Aðgangseyrir er 1000 kr.

Námsmenn 500 kr. Frítt fyrir börn og ungmenni yngri en 18 ára,
aldraða, öryrkja og félaga í SÍM, ICOM, FÍMK, FÍSOS gegn framvísun skírteinis.

Frítt á miðvikudögum