Safnanótt á Vetrarhátíð

fös 2. feb kl 18-23

Safnanótt verður haldin föstudagskvöldið 2. febrúar 2018 en þá opna fjölmörg söfn dyr sínar og bjóða upp á skemmtilega og fjölbreytta dagskrá frá klukkan 18:00-23:00. Lögð verður áhersla á að bjóða upp á óhefðbundna viðburði þetta kvöld og veita gestum nýja sýn á söfnin. Frítt er inn á söfnin og einnig í sérstakan Safnanæturstrætó sem gengur á milli safnanna.


Dagskráin í Gerðarsafni: 

18:00 - 21:00 Kvik strik teiknileikur
Edda Mac, listakona og samstarfsaðili Gerðarsafns við gerð bókarinnar Kvik strik, kynnir aðalsögupersónur bókarinnar ásamt því að bjóða upp á skemmtilegan teiknileik fyrir alla fjölskylduna.

19:30 - 21:30 Sjálfsmyndasmiðja 
Smiðjan er hugsuð fyrir alla aldurshópa og hægt er að koma hvenær sem er innan tímaramma námskeiðisins.

20:30 – 21:00 & 21:30 – 22:00 Leiðsögn
Leiðsögn um sýninguna Líkamleiki með Brynju Sveinsdóttur sýningarstjóra

22:00 - 23:00 DJ í Garðskálanum 
Við mælum með að ljúka kvöldinu í Garðskálanum þar sem plötusnúður mun halda uppi góðri stemningu


Á Safnanótt fer fram Safnanæturleikur. Hægt er að taka þátt í leiknum með því að svara laufléttum spurningum og safna stimplum frá mismunandi söfnum sem þú heimsækir. 
http://vetrarhatid.is/


Heildardagskrá Menningarhúsanna í Kópavogi er að finna hér:https://www.kopavogur.is/static/files/Frettamyndir/Frettaefni/safnanott-feb-2018.pdf