Pylsupartý, bíókvöld, sýningarstjóraspjall og teiknileikurinn KvikStik á Safnanótt

Pylsupartý, bíókvöld, sýningarstjóraspjall og teiknileikurinn KvikStik á Safnanótt í Gerðarsafni
Föstudag, 3. febrúar kl. 18-23

Safnanótt verður haldin föstudagskvöldið 3. febrúar en þá opna fjölmörg söfn á höfuðborgarsvæðinu dyr sínar og bjóða upp á skemmtilega og fjölbreytta dagskrá frá klukkan 18:00 til kl 23.00. Lögð verður áhersla á að bjóða upp á óhefðbundna viðburði þetta kvöld og í tilefni sýningarinnar NORMIÐ ER NÝ FRAMÚRSTEFNA verður hversdagleikinn í forgrunni í dagskrá Gerðarsafns á Safnanótt. Gestir eru hvattir til „láta eins og heima hjá sér“, hangsa með listaverkum, leika sér saman, borða mat og glápa á bíómyndir.



Teiknileikurinn KvikStrik fyrir alla
kl. 18 / kl. 19 / kl. 20

Teiknileikurinn KvikStrik fer fram í Stúdíói Gerðar þar sem við teiknum og höngsum með listaverkunum á safninu. Leikurinn hentar öllum – ungum sem öldnum. Boðið verður upp á teiknileikinn á heila tímanum kl. 18 / kl. 19 / kl. 20. Þá mun höfundur leiksins KvikStrik, myndlistarkonan Edda Mac, kynna leikinn fyrir gestum og hefja teiknileikinn í sýningunni NORMIÐ ER NÝ FRAMÚRSTEFNA.



Sýningarstjóraspjall
kl. 21:00-22:00

Heiðar Kári Rannversson spjallar við gesti og gangandi um sýninguna NORMIÐ ER NÝ FRAMÚRSTEFNA, sem fjallar um það óvenjulega venjulega í íslenskri samtímalist. Á sýningunni eru verk ellefu listamanna sem eiga það sameiginlegt að vinna verk sem verða til ​úr efni og aðstæðum hversdagsins. 



Næntís bíó
kl. 18:00-23:00

Gerðarsafn og Bíó Paradís bjóða upp á „næntís“ kvikmyndadagskrá í tengslum við sýninguna NORMIÐ ER NÝ FRAMÚRSTEFNA. Popp og veigar eru seldar í Garðskálanum í Gerðarsafni. 
18:00 Wayne's World
20:00 Reality Bites
22:00 The Craft



Pylsupartý í Garðskálanum
kl. 18:00-23:00

Ægir og Íris í Garðskálanum eru með heimilislega stemmingu og bjóða upp á óvenjulegt úrval af pylsum í tilefni Safnanætur. Hamingjustund hefst kl. 17:00.





Fylgstu með okkur


Opnunartími

Þriðjudaga - föstudaga 11.00 - 17.00
Laugardaga - sunnudaga 11.00 - 17.00

Lokað á mánudögum

Aðgangseyrir er 1000 kr.

Námsmenn 500 kr. Frítt fyrir börn og ungmenni yngri en 18 ára,
aldraða, öryrkja og félaga í SÍM, ICOM, FÍMK, FÍSOS gegn framvísun skírteinis.

Frítt á miðvikudögum