Sýningarstjóraspjall með Nadim Samman

Sýningarstjórinn Nadim Samman mun ræða sýninguna NEW RELEASE föstudaginn 21. ágúst kl 17.

Á sýningunni er reynt á þolmörk sniðmengis tónlistar og myndlistar en sýningin er hluti alþjóðlegu listahátíðarinar CYCLE sem fór fram í menningarhúsum og almenningsrýmum í Kópavogi 13.-16. ágúst. Á sýningunni eru verk íslenskra og erlendra listamanna sem standa á mörkum samtímatónlistar, gjörningalistar, myndlistar og hljóðlistar.

Listamenn sýningarinnar eru Andreas Greiner (DE) & Tyler Friedman (US), Berglind María Tómasdóttir (IS), Bergrún Snæbjörnsdóttir (IS), Boris Ondreička (SK), Charles Stankievech (CA), Christina Kubisch (DE), Curver Thoroddsen (IS), Einar Torfi Einarsson (IS), Gjörningaklúbburinn (IS), Hulda Rós Guðnadóttir (IS), Jeremy Shaw (CA), Katrína Mogensen (IS), Logi Leó Gunnarsson (IS), Ólafur Elíasson (DK/IS), Sigtryggur Berg Sigmarsson (IS), Sigurður Guðjónsson (IS) & Þráinn Hjálmarsson (IS).

Nadim Samman er breskur sýningarstjóri búsettur í Berlín. Nadim er annar stjórnenda sýningarrýmisins Import Projects í Berlín, hefur unnið sem sýningarstjóri hjá Thyssen-Bornemisza Art Contemporary í Vín og ritstjóri Near East Magazine auk fjölda annarra verkefna.

Allir velkomnir og aðgangur ókeypis.
Sumarbar Gerðarsafns verður opinn að lokinni leiðsögn.





Fylgstu með okkur


Opnunartími

Þriðjudaga - föstudaga 11.00 - 17.00
Laugardaga - sunnudaga 11.00 - 17.00

Lokað á mánudögum

Aðgangseyrir er 1000 kr.

Námsmenn 500 kr. Frítt fyrir börn og ungmenni yngri en 18 ára,
aldraða, öryrkja og félaga í SÍM, ICOM, FÍMK, FÍSOS gegn framvísun skírteinis.

Frítt á miðvikudögum